ڈاکٹر رمیشاقمر
گلبرگہ کرناٹک
عبدِ باکمال
اقبال کا مقام بلند اور بے مثال
دنیا میں ایسا کوٸی نہیں عبدِ باکمال
جو کام آپ نے کیے، کوٸی نہ کر سکا
سب کارنامے آپ کے ٹھہرے ہیں لازوال
سب کو خودی کا درس دیا، معتبر کیا
عشقِ نبی سے آپ کا سینہ تھا مالا مال
امت کی خیرخواہی کے دیکھے ہزار خواب
اپنے، پراۓ سب کا رکھا آپ نے خیال
انسانیت کا فخر، محبت کے داعی تھے
اپنے معاملات میں رکھتے تھے اعتدال
اقبال کا کلام ہے جدت کا آٸنہ
اقبال کے کلام میں قدرت کا ہے جمال
اقبال نے زمانے کو بیدار کر دیا
اے کاش ہو رمیشا مرے فن کا بھی یہ حال
***
