شوکت محمود شوکت

دسمبر آبھی جائے تو

دسمبر آبھی جائے تو

ترے آنے کا امکاں اب نہیں رہتا

دل ناداں ، سدا خاموش رہتا ہے

کسی سے کچھ نہیں کہتا

زمانہ ایک سا ہر گز نہیں رہتا

تری یادیں تری باتیں

بھلا بیٹھا ہے ناداں دل

تری الفت ، تری چاہت

گنوا بیٹھا ہے ناداں دل

دسمبر آبھی جائے تو

خوشی اب کے نہیں ہوتی

لبوں پر مسکراہٹ بھی

ذراسی اب نہیں ہوتی

ہے عالم بے قراری کا

ہے موسم آہ وزاری کا

اداسی ہی اداسی ہے

خزاں کا راج ہے ہر سو

جو مجنوں کا فسانہ تھا

و ہی اپنی کہانی ہے

دسمبر آبھی جائے تو

نہ لوٹے اب جوانی  ہے

۔۔۔۔۔۔