عید مبارک
تمام قارئین کوصمیم قلب سے’’ ترجیحات ‘‘ اور اپنی جانب سے عید کی مبارکبادیاں پیش کرتا ہوں ۔ دعا بھی کرتا ہوں کہ اہل اردو کو اللہ تبارک وتعالیٰ ہمیشہ عید جیسی خوشیاں نصیب کرے اور خوشی کے ان مواقع پر اپنی زبان و تہذیب کی بقا کے لیے کوشاں رہیں ۔
تمام قلمکاروں کا شکریہ ادا کرنا بھی میرا خوشگوار فریضہ ہے کہ اعلان کے بعد بہت کم وقت تھا تاہم عید سے متعلق تخلیقات اور مضامین موصول ہوئے ۔ مستقبل میں بھی ہم آپ کے قلمی تعاون کے خواستگار ہیں ۔
ڈاکٹر عبد الحئی ، جو ابھی سی ایم کالج ، للت نارائن متھلا یونیورسٹی ، دربھنگہ میں اردو کے استاد ہیں ، اس سے قبل وہ قومی کونسل برائے فروغ اردو زبان میں ’’ اردو دنیا‘‘ اور فکر تحقیق‘‘ اور ’’ بچوں کی دنیا ‘‘ کے معاون مدیر رہ چکے ہیں ۔ جب میں اس ادارے کا سربراہ تھا تو انھوں نے بہت ہی دلجمعی سے کام کیا ۔ اور اب بھی اسی دل جمعی سے در س و تدریس میں منہمک ہیں ۔ ۔۔ ’’ ترجیحات ‘‘ میں مدیر کے طور پر ان کی شمولیت کو فال نیک سمجھتا ہوں ۔ ۔۔۔ اس شمارے میں ان کا اداریہ بطور خاص شامل کیا جارہاہے۔
پروفیسر خواجہ محمد اکرام الدین
مدیر اعلیٰ
