ظہیرن حسنین
نیکی برے وقت کی ساتھی!
کانوں میں مسلسل آواز آرہی تھی۔فقیر عاجزی و انکساری کے ساتھ زاروقطار روتے ہوۓبار بار کہتا جا رہا تھا۔ چلنے میں کافی تکلیف ہو رہی تھی۔ آنکھوں سے دھندلا جو نظر آتا تھا۔
میری لاٹھی کہاں ہے؟کوٸی بتا دے میری آنکھیں کہاں ہیں؟
ننھی لاٸبہ کھیلتے کھیلتے فقیر پر ہنسنے لگی۔ہاہاہاہاہاہا۔۔۔۔۔۔۔۔۔۔۔ آپ کی آنکھیں تو آپ کے چہرے پر ہیں۔ ہاہاہاہاہا۔۔۔۔۔۔۔۔۔
فقیر بابا بھی کھلکھلانے لگے جب یہ میٹھی سی آواز سنی۔
ارے بٹیا!!!ہماری آنکھیں تو ہماری لاٹھی ہے جس کو پکڑ کر ہم راستہ ناپتے ہیں۔ چہرے والی آنکھیں تو اب ناراض ہو گٸیں ہیں۔اسی لیے ہر طرف اندھیرا ہی نظر آتا ہے۔
اچانک سے آواز آٸی۔ لاٸبہ کھانا کھالو۔لاٸبہ فقیر بابا کی مدد کیے بغیر ہی بھاگ گٸ۔
تم کیا جانو ایک نیکی کیا ہے۔۔۔۔ تم کیا جانو ایک نیکی کیا ہے۔ لاٸبہ گنگناتے ہوۓ گھر میں اچھلتی کودتی آکر بیٹھ گٸی۔ مزے مزے سے کھانا کھانے لگی۔
آج تو میری بٹیا بہت خوش لگ رہی ہے۔ امی نے مسکراتے ہوۓ کہا۔ بٹیا!!!!!!!!!!!وہ ۔۔۔۔۔۔وہ۔۔۔۔۔ فقیر بابا نے بھی مجھے بٹیا ہی کہا تھا۔
کون بابا؟امی نے حیرانگی سے پوچھا۔ لاٸبہ کھلکھلانے لگی۔۔۔ ہاہاہاہا۔۔۔۔ ایک نیکی تم کیا جانو امی جان!!!!!!
اچھا تو آج میری بٹیا نے کوٸی نیکی کا کام کیا ہے۔تب ہی اتنی خوش ہے۔
نیکی؟؟وہ کیا ہوتی ہے؟لاٸبہ نے لاپرواہی سے پوچھا۔
ہر وہ اچھاکام جس سے انسان،جانور،چرند پرند خواہ کاٸنات میں موجود ہر شے کا کوٸی نہ کوٸی فاٸدہ ہو۔اسے نیکی کہا جاتا ہے۔
اچھا کام؟؟ آہاااااااااااا۔ لاٸبہ کچھ دیر خاموش ہوگٸی۔
پھر شور مچاتے ہوۓ کھیلنے چلی گٸی۔ کچھ دیر بعد ہی روتے روتے گھر میں لنگڑاتے ہوۓ داخل ہوٸی۔ امی کو آوازیں دینے لگی۔
سارے کپڑے گردوغبار میں آلودہ تھے۔ چہرہ بھی میلا میلا لگ رہا تھا۔ اور پاٶں کچھ زخمی تھے۔
مجھے بہت تکلیف ہورہی ہے امی جان۔ دکھ بھری آواز سے کراہتے ہوۓ لاٸبہ نے کہا۔
میری بیٹی بہت بہادر ہے۔کوٸی نہ کوٸی نیکی ہمیشہ کام آجاتی ہے۔اسی لیے آپ کو بھی زیادہ چوٹیں نہیں آٸیں۔امی نے حوصلہ دیتے ہوۓ کہا۔
بستر پر آرام کرتے ہوۓ لاٸبہ کے کانوں میں فقیر بابا کی آواز گونجی۔
تم کیا جانو ایک نیکی کیا ہے؟
لاٸبہ کو سمجھ آگیا کہ نیکی چھوٹی ہو یا بڑی ضاٸع نہیں جاتی اور گناہ بڑا ہو یا چھوٹا سزا ضرور ملتی ہے۔
اگلے روز جب فقیر بابا کی آواز آٸی تو لاٸبہ ان سے معافی مانگنے لگی۔ بابا مسکرانے لگے۔
اب لاٸبہ جب بھی فقیر بابا کو دیکھتی ان سے سلام کرتی،جتنا ممکن ہو ان کی مدد کرتی ۔ فقیر بابا بھی خوب نیکی والی باتیں بتاتے۔
لاٸبہ اپنے گھر والوں، دوستوں اور رشتے داروں سے اچھی اچھی باتیں بیان کرتی۔
۔۔۔۔۔۔۔۔۔۔
سبق:
پیارے بچوں: اس کہانی سے ہمیں یہ سبق ملتا ہے کہ ہمیشہ اچھے اور بھلاٸی والے کام کرنے چاہیے۔کسی کی دل آزاری نہیں کرنی چاہیے۔ نیکی ہمیشہ برے وقت میں ہماری ساتھی بن کر کام آتی ہے۔
***
