یاور حبیب ڈار

              ٹیٹوال(نظم)

یہ جنگل ، پہاڑی ،یہ نیلم کا زور

مچاتا ہے کوئی مرے من میں شور

کہیں شورِ افگن مچاتا ہے مور

ہے سرد و گرم اور جہاں سرد نور

وجود و سخا اور کریں زود رس

جواں مردی کا ہے رہا حسب و نس

خدا عرش پے دیتا ہے داد و دہش

یہاں صاحبِ ظرف لیکن ہیں تُش

ہوائیں تری ہیں کہیں مست مست

کہیں ہستیِ جاوداں ہست نیست

تعقّب میں تیری ہیں یادیں چلی

سزا گو عجب سی ہے کوئی ملی

وجود و عدم کا یہاں کھیل بس

مداری نہیں ہوں بشر ہوں عبث

جہاں تک مری ہو وہ حدِّ بشر

بیاں خوبیاں میں کروں بحر و بر

پڑی یک نظر دیکھ لی ٹیٹ وال

ہے چاروں طرف کو لگی ڈھیل ڈھال

کہوں بات کیا ان کے سودا سلف

کفِ دست ہے یا کہ جادو کا لف

یہ بارش، یہ سیلی ،گری اور یہ کھوڑ

کہ آگے کی چل اور تو پیچھے کی چھوڑ

نہالِ چمن ہے یہاں زندہ رود

کہ سود و زیاں کا نہیں کوئی بود

من و تو معرا، من و ما میں زور

مچاتا ہے کوئی مرے من میں شور

رگِ جاں کے نزدیک جادو نگار

رگ و پے سے واقف ہے باغ و بہار

ہے آئی کہیں سے نوائے سروش

نہاں کیوں رکھی ہے سرودِ خموش

صدائیں سنیں لحنِ داؤد کی

پکھیرو بھرے بود و نابود کی

ہے نغموں میں تیرے جو سوز و گداز

نوائے انالحق و ناز و نیاز

پڑا رن یہاں کار زارِ حیات

شبِ تار میں اک پڑی کائنات

ہے نفسِ امارہ نہیں ان میں کچھ

اگر ہے تو نفسِ لوامہ ہے سچ

حبیبِ خدا کی یہ ہے کائنات

اسی میں پرا اک یہاں سومنات

ہے کرمِ خدا یا کفِ بردہاں

کہ آباد یاں پیر و مرشد زماں

مگر ہے پڑا خستہ اب زود رس

الہی عطا کر کوئی حس و مس

مگر حیف صد حیف، تو شکوہ کناں

کہ بخشا ہے اعجاز پیرِ مغاں

کہاں تک بیاں ہوں تری خوبیاں

زباں ہو گئی ہے مری بے زباں