یاورؔ حبیب ڈار

بڈکوٹ ہندوارہ راجوار

التجا

پلا جام ایسا مجھے ساقیا

کہ ہو جاؤں میں سر بلند ساقیا

الٰہی مجھے مردِ مومن تو کر

میں تاریک دنیا ہوں روشن تو کر

نگہ مردِ مومن کی تو بخش دے

سرائے جزا جستجو بخش دے

مچلنے لگی جب یقیں کا ثبات

تو گردش میں آنے لگی کائنات

میں صحرا ہوں مجھ کو سمندر بنا

مجھے موجِ مضطر بنا کر اڑا

مجھے طشتِ وحدت میں یا رب اُتار

زمین و زماں سے تُو کر  آشکار

تُو رازِ مقامِ قدس کھول دے

جو مجھ میں عیاں وہ فرس کھول دے

مٹے زندگی جذب صادق ہو  یوں

حیاتِ خضر اور شوارق ہو یوں

عطا مجھ کو تیری ہو نورِ مُبین

وجودِ بہ نفسہ ہو زیرِ نگین

گرفتارِ ہستی ہے مکر و فریب

سرِ در گریباں ہے یاورؔ حبیب