محمودہ قریشی

ریسرچ سکالر دہلی یونیورسٹی دہلی

پانی میں چندا اور چاند پر آدمی 

انسان اشرف المخلوقات میں شمار کیا جاتا ہے -چونکہ اس کے پاس خدا کی بے شمار نعمتوں میں سے ایک نعمت  ہے ذہن( عقل ) – جس کا ثبوت ہے چندریان- 3 بقول شاعر ،

چاند ہر رات محبت سے اُسے دیکھتا ہے-

شہر میں جو بھی سہولت سے تُجھے دیکھتا ہے-

 چندر یان- 3 کی کامیابی صرف ہندوستان ہی نہیں بلکہ پورے  دنیا کے لوگوں کی  کامیابی ہے -چندریان -3  ہندوستان  سے 23 اگست 2023  کو 6.4 منٹ پر چاند پر کامیابی کے ساتھ لینڈ کر دیا گیا -ابن انشا اور تمام عالم انسان نے اس موقع پر خوشی کا اظہار کرتے ہوئے کہا   کہ ،

“کل چودھویں کی رات تھی شب بھر رہا چرچا تیرا –

کچھ نے کہا یہ چاند ہے کچھ نے کہا چہرا تیرا -“

اور آج اسرو (ISRO) نے اپنی  وہ کامیابی حاصل  کر ہی لی -جس کا انتظار وہ  پچھلے چار برسوں سے کر رہا  تھا  –

 ابھی زیادہ دن نہیں گزرے کہ ستمبر 2019 میں اسرو نے چندریان-2 کو چاند کے جنوبی قطب کے لیے روانہ -کیا   تھا لیکن اس میں ناکامی کے سبب  اسرو نے چندریان-  3

پر کام شروع کر دیا تھا اور اسے 2021 میں ہی لانچ ہونا تھا لیکن کوڈ -19 کی وجہ سے 14جولائی  2023 کو لانچ کیا گیا- اور 23 اگست 2023 کو کامیابی کے ساتھ لینڈ کر دیا گیا -23 اگست کو لینڈ کرنے کا  سبب یہ تھا  کہ چاند پر 14 دن تک دن اور ،،14 دن تک رات رہتی ہے-چونکہ وہاں کا ایک دن زمین کے  14  دن کے برابر ہوتا ہے -اور 23 اگست  سے 5 ستمبر کو وہاں دن ہوگا یعنی سورج نکلے گا -اور جنوب علاقے پر جب چندریان کی لنڈینگ ہوئی تب وہاں دن تھا -تاکہ چندریان لینڈر سورج کی روشنی میں اپنے مشن کو  کامیابی کے ساتھ انجام دے سکیں  -چاند بھی چندریان- 3 کی  کامیابی کو دیکھ کر شاید کہہ اٹھا –

اس کے چہرے کی چمک کے سامنے سادہ لگا –

آسماں پہ چاند پورا تھا مگر آدھا لگا –

چندریان – 3 ہندوستان کے شری ہری کوٹا کے ستیش دھون سینٹر سے چھوڑا گیا اور یہ کامیابی کے ساتھ 6:04 منٹ پر جنوب قطب  پر لینڈ کر دیا   گیا -اور ہندوستان جنوب پول پر پہنچنے والا پہلا ملک بن گیا -چندر یان -3 لینڈ کرنے کا مقصد  یہ ہے کہ ہندستان سے 2008 میں جب چندریان -،1 وہاں  پہنچا تھا ،تو اس نے چاند پر پانی کی موجودگی کے  سراغ  پیش کیے  تھے  -اسی مقصد کے تحت چندریان – 2 بھیجا گیا جو کہ ناکام رہا -اور اسی خواب کو پورا   کرنے کے لئے  چندریان – 3 کامیابی کے ساتھ چاند  کے جنوب علاقے میں   پہنچ گیا -چونکہ جنوبی  علاقے میں چاند کے پولر ریجن دوسرے ریجن سے کافی الگ  ہوتے ہیں-  جہاں کئی حصے ایسے ہیں جہاں سورج کی روشنی بہت کم  یا  نہیں پہنچتی -اور سائنس دانوں کا ایسا  ماننا ہے کہ یہاں سورج کی روشنی کبھی نہیں پہنچتی  چندریان  3- آمد وفعت کے لئے.  چاند کے سبھی درجوں ( classes) میں 100کلوں میٹر تک چکر لگاتا رہے گا -اور سائنس دانوں کا یہ بھی ماننا ہے کہ یہ چاند پر ایک دن تک کام کرے گا -(یعنی زمین کے چودہ دن) اور جہاں تک پروپلیشن کی بات ہے تو یہ پانچ سالوں تک کام کر سکتا ہے -اور یہ امید سے.  بھی  زیادہ کام کر سکتا ہے -چونکہ ابن صفی اور سائنس دانوں  کو شاید یہ اندازہ ہے –  اس لئے وہ اپنی بات کو شعر میں ہیش کرتے ہوئے کہتے ہیں کہ ،

چاند کا حسن بھی زمین سے ہے –

چاند پر چاندنی نہیں ہوتی –

چونکہ یسرو کے سیٹا لائٹ امید سے زیادہ ہی  کام کرتے ہیں -چندر یان – 3 وکرم لینڈر میں چار پلوئس لگے  ہوئے ہیں -پہلا رامبھا RAMBHA ،دوسرا چاسٹے ChaSTE، تیسرا ایلسا  ILSA، اور چوتھا  لرے LRA-

چندریان ،3 ہندوستان کا ایک اہم مشن ہے – جس سے ملک ہندوستان چاند کے   جنوب علاقے میں پہنچنے والا پہلا ملک بن گیا ہے -حالانکہ اس سے پہلے امریکہ ،روس اور چین یہ کارنامے انجام دے چکے ہیں -سب سے پہلے امریکہ نے ،2 جون 1966 کو چاند پر اپنا پہلا لینڈر اتارا -روس 3 فروری  1966 سے 1976 تک لونا بھیجتا رہا –  اور  روس کا( چندریان مشن)  آٹھ سافٹ والا  لونا چاند پر  سے  نمونے   لے کر واپس آ گیا -وہی بھارت کے پڑوسی ملکل چین نے 3 فروری 1966 کو چاند  پر چنگائ مشن 3- اتارا اور 2019 میں چنگائی مشن 4 بھی نمونے  لے کر واپس آ گیا -چونکہ ،

کئی چاند تھے سر آسماں کہ چمک چمک کے پلٹ گئے –

نہ لہو مرے ہی جگر میں تھا نہ تمہاری زلف سیاہ تھی –

 ظاہر ہے ہر کامیابی کے پیچھے لاکھوں لوگوں کی محنت کارفرماں ہوتی ہے -لیکن  اب سوال یہ پیدا ہوتا کہ کیا چندریان -3 جو  کہ  کامیابی کے ساتھ چاند کی جنوب پول پر بھی  لینڈ کر چکا ہے ، تو اس سے کیا فائدہ حاصل ہوگا -؟جیسا کہ کہا گیا کہ لینڈینگ کرتے ہی یہ اپنا کام شروع کر دے گا -چھ پہیوں والا روور اسرو سے ہدایت  پاتے ہی چاند کی سطح پر چلنا شروع کر دے گا -اور یہ پانچ سو کلوں میٹر تک چاند کی سطح پر چہل قدمی کر سکتا ہے -وہاں کے ماحول کا جائزہ لیتے ہوئے پانی کی تلاش کرے گا  -اور ہندوستانی   ستون  کے نشانات چھوڑے گا – بقول شاعر ،

کل شب کسی کی یاد کی شدت تھی اس قدر-

کہ خنجرِ فراق سے دل چاک ہو گیا-

اک وقت وہ بھی آیا شبِ انتظار میں-

میں جاگتا ہی رہ گیا اور چاند سو گیا-

اور یہ بات بھی دلچسپی سے خالی نہیں کہ اس سب میں پچھلی بار کے مقابلے بہت کم خرچہ آیا ہے- -چندریان 3 میں کل 615  کروڑ روپے خرچہ ہوئے ہیں -جو چندریان –  2 کے مقابلے کم ہیں -چونکہ چندریان- 2 پر 978 کروڑ روپے خرچ  کئے گئے  تھے  جبکہ روس نے اپنے   Lunar  پر 25 کروڑ ، 1700 کروڑ اور چین نے اپنے آخری چاند مشن پر1600 کروڑ کا خرچہ کیا تھا۔یعنی – ہندوستان نے بہت کم قیمت میں بڑی کامیابی حاصل کر لی – اب ملک ہندوستان  اور اسرو چندریان – 3  کے ذریعے چاند  پر  مختلف قسم کی  دھات( metal ) کی تلاش  بھی کر چکا ہے – اگر انسان اسی طرح ترقی کے منازل آسانی سے طے کرتا رہا تو وہ دن دور نہیں بقول شاعر ،

برق رفتـــاری کا یہ عـــالم رہا تو دیکھنــا –

ایک دن غزلیں سنانے چاند پر جائیں گے ہم –

اور  ظاہر ہے انسان کی اس  برق رفتاری کو دیکھ کر پروین شاکر کی یہ شکایت بھی دور ہو جائے گی کہ ،

اتنے گھنے بادل کے پیچھے-

کتنا تنہا ہوگا چاند –

***